Taldea

Francesca Tinti Ikerbasque Ikerketa irakaslea da Euskal Herriko Unibertsitateko Filologia eta Historia Sailean (UPV/EHU).

Boloniako Unibertsitatean graduatu zen eta doktoretza Paduako Unibertsitatean lortu zuen. 2009an UPV/EHUn sartu aurretik, Cambridge eta Boloniako Unibertsitateetan lan egin zuen hainbat urtez.

Bere ikerketa-interesek Goi Erdi Aroko historia erlijioso, sozial eta kulturala barne hartzen dute. Agiriei eta kartularioei buruzko lan ugari argitaratu ditu, Goi Erdi Aroko Ingalaterrako eta ekialdeko lurralde frankoetako dokumentu-praktiketan agertzen diren latinaren eta tokiko hizkuntzen arteko elkarrekintzetan bereziki ardaztuta.

Hainbat ikerketa-proiektu zuzendu ditu, besteak beste, la Donemiliaga Kukulako Becerro Galicano-aren edizio digitala eta The Languages of Early Medieval Charters.. Goi Erdi Aroan ematen diren Ingalaterraren eta Europako kontinentearen arteko harremanetan ere interesatuta dago, eta berriki Europa eta anglosaxoiei buruzko liburu bat Cambridge University Pressekin argitaratu du (2021).

Juan José Larrea Euskal Herriko Unibertsitateko Erdi Aroaren Historia katedraduna da. Doktoregoa Toulouse II–Le Mirail unibertsitatean eskuratu zuen.

Haren lanak bi ikerketa esparru jorratzen ditu: Baskoniaren eta Iruñeko erreinuaren historia sozial eta politikoa, inperioaren amaieratik lehen aro feudalera arte; eta Goi Erdi Aroko Mendebaldeko landa eremuaren historia, bereziki artxibo karolingio goiztiarrenen bitartez.

Ikerketa esparru biekin lotutako zenbait doktorego-tesiren zuzendaria izan da, eta bada, eta IN moduan Plan Nazionaleko zenbait proiektu koordinatu ditu.

CNRS-Université de Toulouse-Jean Jaurès-eko Framespa laborategiko kide elkartua da, bai eta Cercle de Travail sur les conditions de production du savoir médiévistique (LaMOP-CNRS) delako taldeko kidea ere. Ikertzaile bisitaria izan da Münsterreko Unibertsitateko Institut für Frühmittelalterforschung ikergunean.

2001 eta 2004 artean Euskal Herriko Unibertsitateko euskara errektoreordea izan zen.

Leticia Agúndez Kantabriako Unibertsitateko Zientzia Historikoen Saileko irakaslea da, non Doktoretza Erdi Aroko Historian lortu zuen (2011).

Bere ikerketa-ildo nagusia kultura idatzien historia soziala da, bere arreta bereziki Leon, Gaztela eta Portugalgo erresumetako eliz erakundeen kartularioen produkzioan, faltsifikazioan eta memoria instituzionalean jarriz.

2014an Euskal Herriko Unibertsitatean sartu zen doktoratu ondoko bekadun gisa, eta 2017an Portoko Unibertsitatean. Ikerketa-egonaldiak Sorbona IV, Versailles Saint-Quentin-en-Yvelines unibertsitateetan egin ditu, bai eta Poitierseko Centre d’Études Supérieures de Civilisation Médiévale ikergunean ere. Nazioko eta nazioarteko hainbat ikerketa-proiektutan parte hartu du, besteak beste Elites clericales y afianzamiento territorial e institucional de la diócesis de Burgos (siglos XI al XV) (2019-2023); Scriptoria, lenguajes y espacio agrario en la alta Edad Media (2018-2021) eta Le pouvoir des listes au Moyen Âge (2015-2019).

Hainbat sari zientifiko jaso ditu, horien artean X Premio de la Sociedad Española de Estudios Medievales delakoa. Buleva-Fuentes taldeko kidea da eta CITCEM-Portoko nazioarteko kolaboratzailea.

Guadalupe Lopetegui Semperena irakasleak, Euskal Herriko Unibertsitatean burutu zuen doktore-tesia eta 1995 urtez geroztik, Ikasketa Klasikoak Departamentuan, Latin Filologiako Irakasle Titularra da.

Bere tesian oinarritutako lana argitaratu zuenetik (Nafarroako Antso VI.ren dokumentazioaren edizioa eta analisi linguistikoa), hiru ikerketa ildo nagusi garatu ditu: 1) Erdi Aroko latinaren eta garaiko hizkuntza mintzatuen arteko erlazioak, ikuspuntu soziolinguistikoa abiapuntu hartuta; 2) Erdi Aroko intelektualen formakuntza erretorikoa eta gramatikala; eta 3) Antzinaro Berantiarreko eta Erdi Aroko arte erretorikoaren eduki doktrinalaren eta aplikazio praktikoaren estudioa, epistolografian, dokumentazioan eta, oro har, literatur generoetan.

Hirugarren ikerketa ildoa orokorrean emankorrena izan bada ere argitaratutako lanei dagokienez, azken ikerketa proiektuetan, bere ikerketa ibilbideko lehen esparruari helduz, latinezko diplomen azterketari ekin dio berriro. Idatzizko latinak azaltzen dituen elementu lexiko, estilistiko eta formalen bitartez, testuinguru eleanitzetan sortutako egoera soziolinguistikoaren alderdi anitzak aztertzea da azken lanen helburua.

Eneko López Historia eta Erakunde Ekonomikoetako irakasle atxikia da UPV/EHUn.

Al-Andalusen eta mendebaldeko Mediterraneoaren ekonomia du espezializazio-eremu nagusia, VIII. mendetik XI. mendera.

Bere tesi-doktorean, Centro de Ciencias Humanos y Sociales-Consejo Superior de Investigaciones Científicas (CCHS-CSIC) delakoan irakaslea den Eduardo Manzano Morenoren zuzendaritzapean idatzia, al-Andaluseko hego-ekialdeko hiri-hazkundea omeiar aldian aztertu zuen.

Hiru ikerketa ildo ditu nagusi: 1) Omeiar estatuaren eta Iberiar Penintsulako iparraldeko kristau erakunde politikoen arteko harreman instituzional, ekonomiko eta politikoak; 2) Ekoizpen ekonomikoa eta estatu islamikoek egiten duten kultura materialaren erabilera politikoa 3) hiri- eta merkataritza-hazkundea, islamizazio eta arabizazio prozesuetan duen eragina barne.

Mercaderes, artesanos y ulemas. Las ciudades de las coras de Ilbira y Pechina en época omeya liburuaren egilea da (UJA argitaletxea, 2020) eta Medina Azahara tituludunaren egilekidea (National Geographic, 2018).

Era berean, Una nueva mirada a la formación al-Andalus. La arabización y la islamización desde la interdisciplinariedad liburua (UPV/EHU, 2022) editatu egin du.

Jesús Lorenzo Jiménez Historian doktoratu zen 2008an, eta arkeologo profesional gisa lan egin zuen 2009-2011 aldirako MECen mugikortasun-beka bat jaso aurretik. Beka horrek Chieti-Pescarako Unibertsitatera (Italia) eraman zuen. 2012-2016an Juan de la Cierva doktoratu ondoko ikerlaria izan zen UPV/EHUn, eta gaur egun irakasle atxikia da bertan.

Bere ikerketa al-Andalus du ardatz, Islamicate Society delakotzat hartuta, non hainbat eredu sozial eta kulturalen konbergentzia ikus daitekeen. Testuinguru horretan, VIII. eta XI. mendeen arteko Ebro Ibarreko mugaldeko jendartea aztertzeari arreta berezia eskaini dio, elkartrukerako eta hibridaziorako leku gisa ikusita.

Metodologiaren ikuspegitik, iturri idatzien eta aurkikuntza arkeologikoen azterketa bateratu ditu, Espainian, Italian, Libian eta Zipren hainbat ikerketa-taldek egindako indusketetan parte hartu izanari esker (UPV/EHU, CSIC, Chietiko Unibertsitatea).

Gaur egun, Nafarroan dagoen Valtierrako indusketa zuzentzen du. Bere ikerketak argitalpen ugaritan plazaratu ditu, Espainiako eta Europako aldizkarietako artikuluak, liburu-kapituluak, liburu bat eta arabiar testuen edizio bat barne.

David Peterson Historian lizentziatua da Oxfordeko Unibertsitatean eta Erdi Aroko Historian doktorea Burgosko Unibertsitatean (2006).

Bere ikerketa Goi Erdi Aroko Ipar Iberiako gizartean ardazten da, batez ere iturri idatzietan eta onomastikoetan oinarrituta.

Demanda mendilerroari eta Ebro Garaiko eskualdeari buruzko bi monografia egin ditu, 2006an eta 2009an hurrenez hurren.

Euskal Herriko Unibertsitatean egon zen bitartean, Donemiliaga Kukulako Becerro Galikanoaren edizio digitalaren garapenaren arduraduna izan zen (https://www.ehu.eus/galicano/?l=eu). Egun, bere ikerketa Erdi Aroko dokumentazioan eta Goi Erdi Aroko Gaztelako onomastikan dagoen islamiar eraginaren ebidentzian ardazten da.

2015etik Erdi Aroko Historia irakasten du Burgosko Unibertsitatean.

Pablo Acal Kantabriako Unibertsitatean (UC) doktoratu aurreko bekaduna da, Zientzia Historikoen Departamentuan, eta bere ikerketa 'Concepción Arenal' bekaren bidez finantzatzen da.

Obispo, monacato y hagiografía: una aproximación comparada a la figura y funciones de los obispos/abades en la Península Ibérica e Inglaterra (siglos XI-XII) izeneko tesia lantzen ari da, Leticia Agúndez (UC) eta Francesca Tinti (UPV/EHU) doktoreen gidaritzapean.

Bere ikerketak abade-erantzukizunak dituzten gotzainak ditu ardatza, ikuspegi hagiografiko eta historiografiko batetik, bere irudikapen sinbolikoa eta izaera arketipikoa kontuan hartuta, eta baita ere bere eliza-ibilbidea eta botere-sareak sortzea.

Andrea Aparicio Lozano EHU/UPVko doktoregaia da, Eusko Jaurlaritzako doktoretza-aurreko programaren barruan.
Bere tesiak Formas de dominación y estructuras de parentesco en la sociedad rural de los siglos X y XI du izenburu eta Juan José Larrea eta Lluís To Figueras dira bere zuzendariak. Bere ikerketen ildo nagusiak lurraren eskuratzea, ahaidetasun egiturak eta kultura idatzia dira, beti ere kontrol-mekanismoei arreta berezia jarriz.

Aitor Armendariz Bosque FPU programako doktoregaia da UPV/EHUn.

Bertan bere tesia burutzen du Comunidades, violencia y territorialidad en las regiones del norte peninsular en los siglos X y XI deiturikoa, Juan José Larrea eta Ernesto Pastorren zuzendaritzapean. Baliabide landugabeak ustiatzeko eta bereganatzeko moduak aztertzen ditu, baita landa munduan lurraldea kontrolatzeko mekanismoekin eta indarkeriarekin hauek duten harremana ere. Era berean, kultura idatziaz eta haren transmisioaz arduratzen da.

Irati Azpiazu Galarza Eusko Jaurlaritzako doktoretza-aurreko programako doktoregaia da UPV/EHUn.

Jesús Lorenzo Jiménez eta Juan José Larrea Conderen zuzendaritzapean, “Fortificaciones e incastellamento en el occidente islámico: el caso de al-Andalus durante el emirato (siglos VIII-X)” izeneko tesia burutzen ari da. Ikerketaren xedea al-Andaluseko emirerri garaiko gotorlekuen (husun, sg. hisn) ezaugarriak eta funtzionamendua aztertu eta ulertzea da, incastellamento fenomenoarekin izan dezakeen erlazioa egiaztatze aldera.

Nora Igartua. Euskal Herriko Unibertsitateko Filologia eta Historia Saileko doktoregaia. Penintsulako iparraldeko Goi Erdi Aroko monastegietako praktika dokumentalak eta idazkeraren erabilerak, IX eta XII. mendeen artean izenburuko ikerketa egiten ari da, Juan José Larrea Conde irakaslearen zuzendaritzapean.

Bere ikerketetan, Nafarroako Leireko San Salbatore monastegiko artxiboko funtsen arteko pergamino zaharrenetariko bat aztertzen du. Idazkera bisigotikoa du eta pankarta izenaz ezagutu izan da. Pergamino honen azterketak, XI. mendeetan eta XII. mendearen hasieran Leireko scriptorium-ean idatzitako memoriaren eraikuntza-prozesuarekin zerikusia duten hainbat  alderdi jorratzeko aukera eskaintzen du.

Jokin Ituarte doktorego ikaslea da Erdi Aroaren Historian Euskal Herriko Unibertsitatean.

Bere ikerketak, Jesús Lorenzo eta Francesca Tinti-k zuzendua, ondorengo izenburua du: La sociedad de la Frontera Superior (siglos VIII al XII): un análisis comparativo sobre la articulación sociopolítica entre la frontera islámica andalusí y la sirio-anatolia.

Ikerketaren oinarrian izango dira talde sozial ezberdinen arteko elkarreragina eta horren ondoriozko mugalde islamiarraren berezitasunak.

Nagore Palomares doktorego-ikaslea da Euskal Herriko Unibertsitateko Filologia eta Historia Sailean.

Lehenago, ikerketa-laguntzailea izan zen Alcalako Unibertsitatean, non Hizkuntza Modernoetan eta Itzulpengintzan lizentziatu zen. Bere gaur egungo ikerketa, Francesca Tinti doktoreak zuzenduta, Goi Erdi Aroko Ingalaterran eta ekialdeko lurralde frankoetan ematen den latinaren eta tokiko hizkuntzen arteko elkarrekintzetan oinarritzen da.

Theodora Paraskevopoulou Erdi Aroko Historiako doktorego-ikaslea da Euskal Herriko Unibertsitatean (EHU).

Bere ikerketak, Francesca Tintik eta Eneko Lópezek zuzenduta, grezierak Erdi Aroko mendebaldeko Europan izan zuen eragina aztertzen du, Ingalaterra anglosaxoian arreta berezia jarriz.

Izei Permach Agirre UPV/EHUko doktoregaia da, Eusko Jaurlaritzaren doktoretza-aurreko programaren jasotzailea.

Juan José Larrearen eta José Ramón Díaz de Duranaren zuzendaritzapean, Sociedad medieval y ficciones de igualdad: la evolución de las sociedades de la Vasconia pirenaica y cantábrica y la construcción de mitos igualitarios (siglos XI al XV) izendatutako tesiak bilakaera soziopolitikoak eta horiei lotutako errepresentazio sistemak aztertzea du helburu.

Robert Gallagher Goi Erdi Aroko Historiako irakasle titularra da Kenteko Unibertsitatean (Erresuma Batua).

Ikasketak York eta Cambridgeko Unibertsitateetan burutu zituen, eta Kenten sartu aurretik, doktorego ondoko postuak bete zituen Cambridge, Oxford eta UPV/EHUko Unibertsitateetan, azken honetan Languages and Early Medieval Charters proiektuan (www.ehu.eus/lemc).

Bere ikerketak Goi Erdi Aroko Ingalaterra, haren literatura-kulturak eta haren nazioarteko loturak ditu ardatz nagusi. Bereziki, hitz idatziak Goi Erdi Aroko jendarte goiztiarretan banakoei eskaintzen zizkien rolak eta gizarte-balioak ulertzea interesatzen zaio.

Gai horiek aztertzean, bere lanak honako gai hauek jorratzen ditu: hizkuntza aukeratzea, alfabetatzea, identitatea, iraganeko erabilerak, mezenasgoa, egiletza eta testu-interpretazioa. Iturri ugari erabiltzen ditu, eskuizkribuak, poesia, liturgia eta gutunak barne.

Edward Roberts Goi Erdi Aroko Historiako irakasle titularra da Kenteko Unibertsitatean. Manchesterreko Unibertsitatean ikasi zuen eta St Andrews Unibertsitatean doktoratu zen 2014ean. Londresko King's Collegen, Euskal Herriko Unibertsitatean (UPV/EHU) eta Liverpooleko Unibertsitatean ikerketa-lanpostuak bete ondoren, Kenteko Historia Fakultatean sartu zen 2018an.

Edward Europa karolingiar eta otoniarreko historialaria da (c.750-c.1050). Bere interesa Erdi Aroko literaturan eta zuzenbidean ardazten da, bereziki idazkera historikoan, hagiografian, agirietan eta zuzenbide kanonikoan.

Flodoard of Reims and the Writing of History in the Tenth Century (Cambridge University Press, 2019) lanaren egilea da, eta Robert Gallagher eta Francesca Tintirekin batera, The Languages of Early Medieval Charters: Latin, Germanic Vernaculars and the Written Word liburuaren editorea. (Brill, 2021). Bere egungo ikerketak gotzainak, mugikortasuna eta X. mendeko Europan elizaren hazkunde instituzionala aztertzen ditu.